Thursday Poem

Via NoUtopia.com:

Jean
Robert Burns

Of a’ the airts the wind can blaw,
  I dearly like the west,
For there the bonnie lassie lives,
  The lassie I lo’e best:
There wild woods grow, and rivers row,
  And many a hill between;
But day and night my fancy’s flight
  Is ever wi’ my Jean.

I see her in the dewy flowers,
  I see her sweet and fair:
I hear her in the tuneful birds,
  I hear her charm the air:
There ’s not a bonnie flower that springs
  By fountain, shaw, or green;
There ’s not a bonnie bird that sings,
  But minds me o’ my Jean.